პროფესიული განათლების განვითარების დეპარტამენტის ერთ-ერთი უმთავრესი ამოცანაა, რომ პროფესიული ასოციაციებთან მუდმივი და აქტიური თანამშრომლობა. ასოციაციები, რომლებიც აერთიანებენ დარგების პროფესიონალებს ფლობენ უახლეს და სრულ ინფორმაციას დარგში მიმდინარე ცვლილებების, შრომის ახალი მეთოდების, პროცედურების, აღჭურვილობისა და ინსტრუმენტების შესახებ. ასოციაციების მჭიდრო თანამშრომლობა პროფესიული განათლების განვითარების დეპარტამენტთან ხელს შეუწყობს პროფესიული საგანმანათლებლო პროგრამების დროულ კორექტირებას, სწავლების ხარისხის ამაღლებას და პროფესიული სწავლების ცენტრებში მომზადებული სპეციალისტების კონკურენტუნარიანობის უზრუნველყოფას. 

ნებისმიერი დარგის განვითარების აუცილებელი პირობაა ის, რომ ამ სფეროს სპეციალისტები შეესაბამებოდნენ ბაზრის მოთხოვნებს. პროფესიული ასოციაციები უნდა იყვნენ დაინტერესებული იმით, რომ მათი დარგის სპეციალისტების მომზადების დონე აკმაყოფილებდეს როგორც ადგილობრივი ასევე საერთაშორისო ბაზრის მოთხოვნებს. პროფესიული ასოციაციები ასევე უნდა ზრუნავდნენ იმაზე, რომ მოცმული დარგის სპეციალისტებზე ბაზრის მოთხოვნა და მიწოდება შეძლებისდაგვარად რეგულირდებოდეს.